Дзе ты, зімушка, схавалася? (Людміла Шувалава) |
Автор: BM |
10.01.2014 23:54 |
Дзе ты, зімушка, схавалася?
Калі ласка, памажыце! Дзе ж ты, зімушка, схавалася? Хто цябе зачараваў? Мо яшчэ не адаспалася? Ці хто ў Арктыку загнаў? Там бялюткія мядзведзікі Гульні снежныя вядуць. «Дзякуй, – кажуць, – вам, суседзікі!» Ды ад радасці равуць. А што ж нам рабіць, скажыце? Няма снегу, няма льду… Калі ласка, памажыце Гэту выправіць бяду! Дзед Мароз да нас спяшаецца, Падарункаў цэлы воз! Але ж ён не суцяшаецца – Нехта снег кудысь завёз! Дзед Мароз любіў з Снягуркаю ў снежкі весела гуляць… Вось цяпер ён з Сіўкай-Буркаю Будзе ў прыцемкі блукаць?!
А што ж нам рабіць, скажыце? Няма снегу, няма льду… Калі ласка, памажыце Гэту выправіць бяду!
Людміла Шувалава |
Обновлено 11.01.2014 00:00 |