Стихи для песен Олега Нагорного |
Автор: BM |
08.04.2016 14:46 |
Дзіцячая калядка
Запеў 1 Карагод сняжынак сустракае свята. Елка-прыгажуня прыбрана багата. А на верхавіне прыгажуні колкай зіхаціць ліхтарык віфлеемскай зоркай.
Прыпеў Сонца спіць. Звініць мароз. На зямлю сышоў Хрыстос. Месяц ветлы выплывае – Сына з Маці праслаўляе. Новы год прывёз дарункі дзецям: цацкі і ласункі. Сонца спіць. Звініць мароз. На зямлю сышоў Хрыстос.
Запеў 2 Мудрацы за зоркай шлях свой пракладаюць. Пастухі ў пячоры немаўля вітаюць. Хор святы анёльскі над зямлёй разліўся: “Слава ў вышніх Богу! Хрыстос Нарадзіўся!”
Прыпеў Сонца спіць. Звініць мароз. На зямлю сышоў Хрыстос. Месяц ветлы выплывае – Сына з Маці праслаўляе. Новы год прывёз дарункі дзецям: цацкі і ласункі. Сонца спіць. Звініць мароз. На зямлю сышоў Хрыстос.
Беларусь на выданні
запеў Душа ў замежжа не ляцела – да цёплых мораў, снежных гор. Яна шчаслівай быць хацела, дзе рэкам падпявае бор. Аднак дзявочым сэрцам юным паверыць лёгка жаніхам, што толькі з імі лёс не сумны, што горш заўсёды “тут”, чым “там”. Вясельнае цвіценне бэзаў, ты прымяраеш па вясне. І хочаш верыць, што з імпрэзай жыццё цябе не разміне. Аднак дзе сёння пах суквеццяў, учора – снежныя гурбы. І ты расла да паўналецця праз зімы гора і журбы.
прыпеў Не плач, красуня, ўпотай росамі. Твой сум заблытаўся ў вятрах! Мы ўсе становімся дарослымі, і самі выбіраем шлях. Ты жаніхам за долю сытую душу і волю не прадай. Будзь не самотнай – самавітаю! Жыві-квітней, радзімы Край!
запеў Красуні залатыя косы на нівах лашчыць хор вятроў, і турмалінавую россып улюбёна дорыць васількоў. Аднак падлетка вабяць трэнды, якія ў модзе за мяжой. Не размяняй сябе на брэнды: как быць прыгожай, будзь сабой!
Праталіны
Запеў 1 Тлеюць зоры ў нябёснай зале. Поўня срэбныя сыпле у снег дыяманты. Давай не спяшацца на апошні куплет, чакаючы стрэлаў крылатага "Санты"… чакаючы стрэлаў крылатага "Санты"
Прыпеў Так хочацца верыць, што сонечны лівень не змые наш сон, а зробіць шчаслівым, што шкельцы сняжынак не разаб’юцца – растаяць і кроплей адзінай сальюцца, і будзем мы помніць, што мудра трывалі халодныя сэрцы да першых праталін… так хочацца верыць… да першых праталін…
Запеў 2 Асыпаецца ў золак зала. Зоры стлелі, і поўня як іней растала. І гудзе не крылатага "Санты" страла, а куплет развітальны вакзала… а куплет развітальны вакзала.
Прыпеў І хочацца верыць, што сонечны лівень не змые наш сон, а зробіць шчаслівым, што шкельцы сняжынак не разаб’юцца – растаяць і ў кропле адзінай сальюцца, і будзем мы помніць, што мудра трывалі халодныя сэрцы да першых праталін… так хочацца верыць… да першых праталін…
Сэрца не купюра
Запеў Маё сэрца не купюра. А сваё ты размяняў. Я бландзінка, а не дура – так скачы, куды скакаў! Свае “левыя” алюры не на мой кіруй манеж. Зразумела: бабы – дуры. А жанчын не правядзеш!
Прыпеў Тваё “love”, як спам дастала скайпам, аськай, эс-эм-эс!.. Я табе ўжо адмаўляла І “сабакай-маіл”, і без. Ад прыгожых слоў не таю. Проза лёс, а не санэт. Я цябе не пакахаю ні без Нэту, ні праз Нэт!
Запеў Ты прэзентаваўся прынцам на прэстыжнае кані. Шоўкам абяцяў сцяліцца, казкай упрыгожваць дні. Кляўся да дрыжэння плоці – прагі запаліў агонь. Але у маёй аброці апынуўся толькі конь…
Прыпеў
Запеў Мазалі нацёр на “клаве”. След на локце ад зубоў. Ты мяне ужо “за-love-іў” [залАвіў] сваім жаласлівым шоў. Пашкадуй пачуццяў змылак – прыхавай іх для другой: я тваё жыццё абмыла гераклітавай ракой!
Сказаць аднойчы
запеў 1 Не трэба мне нічога ад Габана, ад Гучы, ад Свароўскі , ад Шанель… Не сняцца ні Карыбы мне, ні Каны, ні бэнтлі па дарозе ў Куршавель. Я не хачу катацца ў масле сырам, грэць грудзі дыямантавым агнём… Не ад таго мне па начах так сыра, і пахмурна так самым ясным днём.
прыпеў А патаму, што двойчы не сказала ў вочы: “Я не люблю цябе! І ты з другой, кабель, на ўсе чатыры… можаш крочыць! Цябе я не люблю: ўспаміны ўсе спалю… І лёгка мне даюцца ночы! І мне без слёз даюцца ночы!”
запеў 2 Такім каханнем сытая па горла. (Ін’яцыа, маэстра страў, прабач!) Пад языком не ад запраў пагоркла, а ад любоўных горычы няўдач. І мне начхаць на норкавыя футры -- зусім не ад марозу стыгне кроў. Бляднее скура твару не ад пудры, а ад бяссоннай прагі ўбачыць зноў,
прыпеў каб заявіць аднойчы спакойна яму ў вочы: “Я не люблю цябе! І ты з другой, кабель, на ўсе чатыры… можаш крочыць! Цябе я не люблю: ўспаміны ўсе спалю… І лёгка мне даюцца ночы! І мне без слёз даюцца ночы!”
запеў 3 Мне ўсё адно, каму ён дорыць зоры, пуцёўкі, пацалункі, Amy Gee… Праз антыспам сардачнае прасторы не праслізне і біт ягонай лжы. Акаўнт яго надзейна запаролен. Аднак спачыну не дае “ pop-up”, які сустрэчы просіць хоць на долю хвіліны, каб завершыць той этап,
прыпеў яму сказаўшы ў вочы: “З маёй душы ты збочыў: я не люблю цябе! І ты з другой, кабель, на ўсе чатыры… можаш крочыць! Цябе я не люблю: ўспаміны ўсе спалю… І мне даюцца лёгка ночы! І мне без слёз даюцца ночы!!!”
Парус (пераклад з Уладзіміра Высоцкага)
Лантух дэльфіна ўспораты насцеж вінтом! Выстралу ў спіну з нас не чакае ніхто. Скрыня пустая каля гарматы ляжыць. Газ выціскаю на віражы!
Зранілі крылле паруса! Каюся! Каюся, каюся!
Нават ў дазоры не стрэць можна ворага! Гэта не гора – ные калі нага. Дзверы старыя многім пяюць, многім рыпяць: вы тут чужыя: каму вас чакаць?
Зранілі крылле паруса! Каюся! Каюся, каюся!
Многія лета – ўсім, хто спявае ў сне! Ўсе часткі свету могуць ляжаць на дне! Усе кантынтны могуць гарэць ў вайне, – толькі ўсе гэта – не для мяне!
Олег Нагорный +375 29 779 18 04 Этот e-mail адрес защищен от спам-ботов, для его просмотра у Вас должен быть включен Javascript
|